Pakistanın Xeyber-Paxtunxva əyalətinin Kurram rayonunda iki qəbilə arasında davam edən qarşıdurmalar nəticəsində ölənlərin sayı 13-ə çatıb.
Bu barədə "Dawn" yerli rəsmilərə istinadən məlumat yayıb.
Bəzi bölgələrdə tayfa ağsaqqalları atəşkəs haqqında razılığa gəlib. Boşehra Dandar bölgəsi keçən həftə toqquşmalar başlayıb və bu toqquşmalar tez bir zamanda rayonun digər hissələrinə, o cümlədən Khar Kallay, Baleşkhel, Pevar, Gidu, Teri Mengal, Karman Para Çamkani, Maqbal və Kunj Alizaiyə yayılıb.
Yerli hakimiyyət orqanları bu günə olan məlumata görə, ölənlərin sayı 13, yaralıların sayı isə 74-ə çatıb. 
"Dawn" xəbər verir ki, Paraçinar Rayon Baş Qərargah Xəstəxanasının həkimi Qaiser Abbas Banqaş rəqəmləri təsdiqləyib. Təsirə məruz qalan bölgələrdə insanlar yolların bağlanması səbəbindən ərzaq, dərman və yanacaq çatışmazlığı ilə üzləşir. Təhsil müəssisələri bağlanıb.
Kurram komissarının müavini Syed Saiful Islam Şah deyib ki, toqquşmaların dayandırılması üçün qəbilə ağsaqqalları ilə əməkdaşlıqda səylər göstərilir. Kohat komissarı Məhəmməd Əli Şah və digər polis məmurları Paraçinara gəlib.

KARUSEL / DÜNYA