Pakistanın Bannu şəhərində təhlükəsizlik konvoyuna intiharçı hücum olub, nəticədə ölənlərin sayı iki nəfərə çatıb. Hərbçilər hücum edənin Əfqanıstan vətəndaşı olduğunu müəyyən edilib.
Dawn xəbər verir ki, hücum zamanı 3 əsgər olmaqla 10 nəfər yaralanıb, hücum edən şəxsin Hafiz Gül Bahadur Qrupuna bağlı Əfqanıstan vətəndaşı olub. Hadisə yerindən onun şəxsiyyət vəsiqəsi tapılıb.
Ordunun media qanadı olan Xidmətlərarası İctimaiyyətlə Əlaqələr Departamenti - ISPR bildirib ki, hücumçu partlayıcılarla yüklənmiş motosikletdə olub və onu təhlükəsizlik qüvvələrinin karvanının yaxınlığında partladıb.
ISPR bildirib ki, bölgədə aşkar edilmiş digər terrorçuların məhv edilməsi üçün təmizləmə əməliyyatı aparılır.
KARUSEL / DÜNYA