Səudiyyə Ərəbistanı Asiyada Qarşılıqlı Fəaliyyət və Etimad Tədbirləri üzrə Müşavirəyə (CICA) müşahidəçi dövlət kimi qoşularaq, Asiyada sülh və təhlükəsizliyi təşviq etmək üçün bu pan-kontinental təşkilatın daha da coğrafi genişlənməsində mühüm mərhələni qeyd edib.
Qazaxıstan mediası xəbər verir ki, Səudiyyə Ərəbistanının müşahidəçi statusu ilə bağlı müraciəti 12 dekabr 2023-cü il tarixdə CICA-nın Yüksək Vəzifəli Məmurlar Komitəsinin iclasında ilkin olaraq bəyənilib və ölkəyə müşahidəçi statusunun verilməsi barədə qərar 26 dekabr 2023-cü ildə CICA Nazirlər Şurası tərəfindən qəbul edilib.
Səudiyyə Ərəbistanı Körfəz ölkələrindən biridir ki, CICA-ya artıq təşkilatın fəal iştirakçıları olan Bəhreyn, Qətər, Küveyt və BƏƏ kimi üzv dövlətlər daxildir. Səudiyyə Ərəbistanı Krallığı üçün müşahidəçi statusu subregionun CICA-da təmsilçiliyini daha da artıracaq və beləliklə, Asiya üzrə əməkdaşlığı genişləndirəcək və zənginləşdirəcək.
Səudiyyə Ərəbistanı Krallığı Asiyada və dünyanın qalan hissəsində çoxtərəfliliyin təşviqinə fəal töhfə verir. Hazırda Səudiyyə Ərəbistanı müxtəlif beynəlxalq təşkilatlarda, o cümlədən CICA-nın müşahidəçi təşkilatı olan Ərəb Dövlətləri Liqasında (LAS), həmçinin İslam Əməkdaşlıq Təşkilatı (İƏT) və Neft İxrac Edən Ölkələr Təşkilatında (OPEC) iştirak edir.
Səudiyyə Ərəbistanının CICA müşahidəçi dövləti olmaq istəyi qlobal və regional problemlərin həllində kollektiv səylərin vacibliyini vurğulayır və regionun daha vahid beynəlxalq ictimaiyyət üçün birgə istəyini əks etdirir.
Son üç il ərzində CICA ailəsi əhəmiyyətli dərəcədə böyüyüb: Küveyt 2022-ci ildə üzv, Türkmənistan 2021-ci ildə müşahidəçi, Avrasiya İqtisadi İttifaqı isə 2022-ci ildə tərəfdaş təşkilat olub.
Təşkilatın genişlənməsi CICA üçün çox müsbət hadisədir və onun ümumAsiya təşkilatı kimi gələcək inkişafı üçün əvəzsiz əhəmiyyət kəsb edir.
KARUSEL / DÜNYA