Mərakeşin xarici işlər, Afrika ilə əməkdaşlıq və xaricdəki mərakeşlilər naziri Nasser Bourita BMT Baş Katibinin Mərakeş Sahara üzrə şəxsi nümayəndəsi Staffan De Mistura ilə görüşüb.

Mərakeş Krallığının yerli KİV xəbər verir ki, görüş Mərakeş Krallığının BMT-dəki daimi nümayəndəsi Səfir Ömər Hilalenin iştirakı ilə səmimi, müsbət və konstruktiv ruhda baş tutub.

Bu səfər Təhlükəsizlik Şurasının müəyyən etdiyi yeganə çərçivə kimi Mərakeş, Əlcəzair, Mavritaniya və “polisario”nun iştirakı ilə siyasi dəyirmi masa proses-inin yenidən başlaması üçün Təhlükəsizlik Şurasının 2703 saylı qətnaməsində qeyd olunan tərəflərə regional turun bir hissəsidir - kompromis əsasında real, praqmatik və davamlı siyasi həllə nail olmaq üçün.

Bu münasibətlə Mərakeş nümayəndə heyəti BMT Baş katibinə Mərakeşin Əlahəzrət Kral VI Məhəmmədin təsdiq etdiyi dəyişməz mövqeyini xatırladıb, yəni:

1. Əlcəzairin tam iştirakı ilə BMT tərəfindən müəyyən edilmiş dəyirmi masa çərçivəsindən kənar heç bir prosesin olmaması;

2. Mərakeş Muxtariyyəti Təşəbbüsündən başqa heç bir həll yolunun olmaması;

3. Polisario silahlıları tərəfindən hər gün atəşkəsin pozulduğu bir vaxtda heç bir ciddi prosesin olmaması.
KARUSEL / DÜNYA