Bəzi seçki dairələrinin hüdudlarında və adında dəyişikliklər olunub.
Bu qərar Mərkəzi Seçki Komissiyası (MSK) iyulun 27-də keçirilən iclasında qəbul olunub.
"Azərbaycan Respublikasının Ağdərə rayonunun yaradılması haqqında" Azərbaycan Respublikasınının 2023-cü il 5 dekabr tarixli Qanununa əsasən, seçki dairələrinin sərhədlərinin müəyyən edilməsi üzrə Mərkəzi Seçki Komissiyasında fəaliyyət göstərən komissiya bəzi seçki dairələrinin hüdudlarina dair təkliflərini Mərkəzi Seçki Komissiyasına təqdim edib. Belə ki, 96 saylı Goranboy, 97 saylı Tərtər-Naftalan-Goranboy, 118 saylı Ağdam şəhər, 119 saylı Ağdam kənd və 124 saylı Şuşa-Ağdam-Xocalı-Xocavend seçki dairələri müvafiq olaraq 96 saylı Goranboy-Naftalan seçki dairəsi, 97 saylı Tərtər- Ağdərə-Goranboy seçki dairəsi, 118 sayl Ağdam-Xocalı seçki dairəsi, 119 saylı Ağdam seçki dairəsi, 124 saylı Şuşa-Ağdam-Xocavənd seçki dairəsi adlandırılıb və hüdudlarında qismən dəyişiklikər edilib.

KARUSEL / SİYASƏT