ABŞ-ın İraqdakı səfirliyi İranla əlaqəli qrupları Bağdad hava limanında ABŞ diplomatik iqamətgahına bu həftə təşkil edilən hücumda günahlandıraraq, özünümüdafiə hüququnu saxladığı barədə xəbərdarlıq edib.

Səfirlik yaydığı bəyanatda "İraqda sərbəst fəaliyyət göstərən İrana bağlı milis qruplarının təşəbbüsü ilə törədilən" hücumda "heç bir itki olmadığını" bildirib.
O, İraqı şəxsi heyətini və obyektlərini qorumağa çağırıb.
Hava limanının perimetri daxilində yerləşən, lakin ABŞ səfirliyinə bitişik olan kompleks digər şeylər arasında logistik dəstək və tibbi xidmətlər göstərir.
Hücum Qəzza müharibəsi ilə bağlı artan regional gərginlik fonunda və İran prezidenti Məsud Pezeşkiyanın İraqa səfəri ərəfəsində baş verib.
ABŞ səfirliyi öz bəyanatında bildirib ki, İraq diplomatik missiyalarını və İraq hökumətinin dəvəti ilə ölkədəki ABŞ hərbi personalını dəfələrlə müdafiə etmək öhdəliyi götürüb:“Biz bir daha İraq hökumətini bir çox hallarda etdiyimiz kimi, diplomatik və koalisiya tərəfdaşı personalını və obyektlərini qorumağa çağırırıq. Bir daha bildiririk ki, dünyanın istənilən yerində özümüzü müdafiə etmək və şəxsi heyətimizi qorumaq hüququmuzu özümüzdə saxlayırıq”.
Adının çəkilməsini istəməyən yüksək rütbəli hərbçi çərşənbə günü AFP-yə bildirib ki, partlayışa iki “Katyuşa” tipli raket səbəb olub.
ABŞ-ın İraqdakı hərbi və mülki obyektləri həm sünni müsəlman ekstremistləri, həm də İranın dəstəklədiyi şiə silahlı qrupları tərəfindən dəfələrlə hücuma məruz qalıb.

Reportyor.az
KARUSEL / DÜNYA