Qətər Dövlətinin xarici işlər nazirinin xüsusi nümayəndəsi səfir Feysəl bin Abdullah Əl Hənzab yüksək vəzifəli şəxslərin Yəmən üzrə dəyirmi masasında iştirak edib.

Reportyor.az xarici KİV-ə istinadla xəbər verir ki, tədbir Avropa İttifaqı, Almaniya Federativ Respublikası və ABŞ-ın birgə dəvəti ilə Nyu-Yorkda Birləşmiş Millətlər Təşkilatının Baş Assambleyasının 79-cu sessiyası çərçivəsində keçirilib.

Müzakirələr Yəməndə regional təhlükəsizliyə təhdid kimi siyasi və hərbi ölçülərə mümkün koordinasiyalı yanaşma ilə bağlı fikir mübadiləsini əhatə edib.

Əl Hanzab Qətər Dövlətinin Yəməndə 2022-ci il atəşkəs razılaşmasının saxlanmasına və hərtərəfli atəşkəs üçün irəliləməsinə böyük əhəmiyyət verdiyini vurğulayıb.

Zati-aliləri Körfəz Təşəbbüsünün nəticələri və Təhlükəsizlik Şurasının müvafiq qətnamələri, xüsusilə də 2216 saylı qətnamə əsasında Yəmən tərəfləri arasında danışıqlar yolu ilə Yəmən böhranının həllinin, ölkənin birliyinin təmin edilməsinin və xalqının istəklərinə nail olunmasının vacibliyini qeyd edib.

Xarırladaq ki, Feysəl bin Abdullah Əl Hənzab bundan əvvəl Qətər Dövlətinin Azərbaycanda səfiri olub.

Reportyor.az
KARUSEL / DÜNYA