Filippinin şimalında yerli "Julian" kimi tanınan "Krathon" qasırğası zamanı 5 nəfər həlak olub.

Reportyor.az xəbər verir ki, bu barədə ölkənin təbii fəlakət agentliyi bildirib.

Agentliyin açıqlamasında bildirilir ki, beş ölüm hadisəsindən dördü İlokos bölgəsində, əsasən boğulma nəticəsində, bir nəfər isə Caqayan vadisində elektrik cərəyanı vurması nəticəsində ölüb.
Güclü küləklər və leysan yağışları ilə müşayiət olunan pis hava şəraiti əsasən Batanes ada əyalətini, İlokos bölgəsini, Kordilyer dağ bölgəsini və Caqayan vadisini dağıdıb, daşqınlara və sürüşmələrə səbəb olub.
Yüzlərlə sakin evlərini tərk etməyə və ya başqa yerlərdə sığınacaq axtarmağa məcbur olub.
Agentlik, infrastruktura təxmin edilən zərərin 700 milyon pesonu (12,7 milyon dollar) keçdiyini, kənd təsərrüfatı itkilərinin isə 300 milyon pesodan çox olduğunu deyib.
Super tayfuna çevrildikdən sonra Culian çərşənbə axşamı Filippin bölgəsini tərk edərək Tayvana doğru istiqamət götürdü, cümə axşamı günü yenidən tayfun kimi daxil oldu və cümə günü tropik depressiyaya daha da zəifləyib.

Reportyor.az
KARUSEL / DÜNYA