İran prezidenti Məsud Pezeşkian cümə axşamı günü Birləşmiş Millətlər Təşkilatının 15 üzvü olan Təhlükəsizlik Şurasını Yaxın Şərq münaqişəsini həll etməkdə uğursuzluğa görə qınayıb.

Reportyor.az xəbər verir ki, Rusiyada keçirilən BRİKS sammitində Pezeşkian inkişaf etməkdə olan iqtisadiyyatların liderlərinə deyib: “Fələstinin Qəzza zolağı və Livan şəhərlərində müharibə alovu hələ də davam edir. Beynəlxalq sülh və təhlükəsizliyin aparıcıları olan Birləşmiş Millətlər Təşkilatının Təhlükəsizlik Şurasının başçılıq etdiyi beynəlxalq qurumlar da bu böhranın alovunu söndürmək üçün lazımi effektivliyə malik deyil”.

Pezeşkian İsraili müxtəlif dövlətlərin qırmızı xətlərini” pozmaqda və yeni zorakılıq və terror dalğası yaratmaqda qınayıb.

Qəzzada müharibə başlayandan bəri İran BMT qurumunu Yaxın Şərqdə münaqişəyə son qoymaqda fəaliyyətsiz və səmərəsiz olduğuna görə tənqid edib.

İran həm Qəzzada, həm də Livanda atəşkəs bərqərar etmək üçün gərgin diplomatik kampaniya aparır.
KARUSEL / DÜNYA