Kreml Gürcüstanın Aİ-yönlü prezidentinin və Tbilisidə həftəsonu keçirilən seçkilərə müdaxilə ilə bağlı müxalifətin ittihamlarını qətiyyətlə rədd edib.

Reportyor.az xəbər verir ki, Gürcüstan prezidenti Salome Zurabişvili Moskvanı Gürcüstandakı seçki saxtakarlığının arxasında durmaqda ittiham edərək, bunun “Rusiya xüsusi əməliyyatı”nın bir hissəsi olduğunu, Tbilisi müxalifəti isə hakim “Gürcü arzusu” partiyasını Moskvadan sifariş almaqda ittiham edib.

“Biz bu ittihamları qətiyyətlə rədd edirik. Heç bir müdaxilə olmadı. Bu ittihamlar tamamilə əsassızdır. Respublikada vəziyyətin sabitliyini pozmağa cəhdlər var” - deyə Kremlin sözçüsü Dmitri Peskov Zurabişvilinin iddiaları ilə bağlı sual verib.

Kremlin sözçüsü bunun əvəzində Avropa ölkələrini Qafqaz ölkəsindəki seçkilərə müdaxilə etmək cəhdində ittiham edib.

“Müdaxilə cəhdləri var, lakin Rusiya tərəfdən deyil” dedi.

“Avropa ölkələrindən və müxtəlif Avropa qurumlarından çoxlu sayda qüvvələr səsvermənin nəticələrinə təsir göstərməyə çalışıb. Heç kim bunu gizlətmirdi, bunlar ictimai bəyanatlar idi”, - Peskov bildirib.

Brüssel və Vaşinqton Gürcüstanda həftəsonu keçirilən seçkilərdə "qanunsuzluqlar" olduğunu bildirib və araşdırmaya çağırıb.
KARUSEL / DÜNYA