Qvineyanın ikinci ən böyük şəhəri olan N'Zerekoredə futbol matçında izdihamlar 56 nəfərin həyatına son qoyub.

Reportyor.az xəbər verir ki, bu barədə xunta hökuməti bəyanat yayıb.

Bəyanatda deyilir: "Hakim qərarlarından narazılıq etirazları tərəfdarların daş atmalarına və ölümcül izdihamlarla nəticələndi. İlkin məlumatlara görə, xəstəxanada ölənlərin sayı 56 nəfər olub".
Baş nazir Amadou Oury Bah Facebook-da bir paylaşımda Labe və N'Zerekore komandaları arasında matça xələl gətirən hadisələri qınayıb.
"Hökumət vəziyyəti izləyir və xəstəxana xidmətlərinin yaralılara yardım göstərməsinə mane olmamaq üçün sakitliyə çağırışını təkrarlayır" deyib.
Yerli media bildirib ki, cənub-şərq şəhərdəki matç 2021-ci ildə çevrilişlə hakimiyyəti ələ keçirən və özünü prezident kimi təyin edən Qvineyanın xunta lideri Mamady Doumbouya şərəfinə təşkil edilən turnirin bir hissəsidir.
Bu cür turnirlər Qərbi Afrika ölkəsində adi hala çevrilib, belə ki, Dumbouya gələn il gözlənilən prezident seçkilərində potensial namizədliyini və siyasi ittifaqların qurulmasını gözləyir.
KARUSEL / DÜNYA