Misirin xarici işlər naziri Bədr Əbdülətti və iranlı həmkarı Abbas Əraqçi telefon danışığında Qəzza və regiondakı hadisələri müzakirə ediblər.

Reportyor.az yerli emdiaya istinadla xəbər verir ki, söhbət zamanı Əbdülətti ümid edib ki, Qəzzada bu yaxınlarda əldə edilmiş atəşkəs razılaşması regionda gərginliyi azaltmaqla sabitliyin və sakitliyin bərpasına kömək edəcək. O, bütün tərəflərin razılaşdırılmış müddət ərzində razılaşmanın şərtlərinə tam əməl etməsinin vacibliyini vurğuladı və qarşıdakı dövrdə Qəzzaya humanitar və tibbi yardımın davamlı və dərhal çatdırılmasının təmin edilməsinin vacibliyini vurğuladı.

Misir Xarici İşlər Nazirliyi açıqlamasında qeyd edib ki, Əraqçi müzakirələr zamanı Qəzzada atəşkəs razılaşmasını asanlaşdıran səyləri yüksək qiymətləndirib.

Çərşənbə günü axşam Qətər Misir və ABŞ ilə birgə həyata keçirilən vasitəçilik səylərinin uğurlu nəticəsini açıqlayıb. Bu səylər Fələstin İslami Müqavimət Hərəkatı (Həmas) ilə İsrail arasında Qəzzada atəşkəsin yaradılması üçün gələn bazar günü qüvvəyə minəcək razılaşmaya gətirib çıxardı.
KARUSEL / DÜNYA