"Təxminən 638,000 insan İnteqrasiya edilmiş Qida Təhlükəsizliyi Təsnifatının (IPC) 5-ci mərhələsi kimi təsnif edilən fəlakətli aclıq şəraitində olduğu təsdiqlənib".

Reportyor.az xəbər verir ki, bunu BMT-nin sözçüsü Stefan Düjarrik BMT-nin Nyu Yorkdakı mənzil-qərargahında gündəlik mətbuat brifinqində bildirib.

"Darfur, Kordofan və Xartum kimi bəzi bölgələrdə insanların aclıqdan öldüyü barədə məlumatlar var. Bütün bunlar, ən azı, çox dəhşətli və acınacaqlı vəziyyətdir. Sudanda rekord həddə - 5 yaşından aşağı 4,7 milyon uşaq, hamilə və süd verən qadın və qızlar kəskin qida çatışmazlığından əziyyət çəkirlər. Buna görə də biz bütün tərəfləri silahları susdurmağa və hər şeydən əvvəl öz xalqının mənafeyini qoymağa çağırırıq".

"Biz təcili olaraq həm sərhədyanı, həm də qarşıdurma cəbhələri arasında çıxışı genişləndirməli və yeni dəhlizlər açmalıyıq ki, yardım göstərmək və insanları aclıqdan ölməkdən xilas etməliyik", - deyə o qeyd edib. Sudanda təxminən 20 aydır davam edən qarşıdurma nəticəsində humanitar vəziyyət.

Sudan Silahlı Qüvvələri (SAF) və Çevik Dəstək Qüvvələri (RSF) arasında 2023-cü ilin aprelindən bəri davam edən silahlı münaqişə BMT və yerli hesabatlara görə 20,000-dən çox insanın ölümü və 14 milyona yaxın insanın didərgin düşməsi ilə nəticələnib.
KARUSEL / DÜNYA