Rusiya və Şimali Koreya yaxın vaxtlarda iki ölkə arasında Tumen çayı üzərində avtomobil körpüsünün tikintisinə başlayacaqlar.

Reportyor.az xəbər verir ki, bu barədə Rusiyanın Pxenyandakı səfiri RİA dövlət xəbər agentliyinə istinadən bildirib.

Körpü prezident Vladimir Putinin 2024-cü ildə Şimali Koreyaya səfəri zamanı iki ölkə arasında hərtərəfli strateji tərəfdaşlıq sazişi imzalanarkən razılaşdırılıb.

Avtomobil körpüsü 1959-cu ildə Koreya müharibəsindən sonra istifadəyə verilmiş mövcud “Dostluq körpüsü” dəmir yolu körpüsünün yaxınlığında tikiləcək. 20-ci əsrin əvvəllərində sərhədi keçən qədim taxta körpü dağıdılıb.

Rusiyanın Şimali Koreyadakı səfiri Aleksandr Matseqora RİA-ya bildirib ki, körpünün tikintisinə hələ başlanılmayıb, tərəflər hazırlıq işləri aparır, layihə sənədlərini yekunlaşdırır, tikinti briqadaları və avadanlıqların kolonnalarını formalaşdırırlar.

İllərdir müzakirə olunan yol körpüsü 850 metr (2789 fut) olacaq və Rusiya magistral sistemi ilə birləşdiriləcək.

Cənubi Koreyanın peyk görüntülərinin təhlili firması SI Analytics martın 5-də yaydığı hesabatda körpünün bünövrəsi və yol əlaqələri üzərində işlərin başladığını bildirib.

Bu körpünün Şimali Koreya ilə Rusiya arasında yeganə keçid olan mövcud dəmir yolu xəttinin ardınca sürətlə tikintisi ilə iqtisadi, sosial və hərbi mübadilənin kəskin şəkildə artması gözlənilir.  Bu, potensial olaraq Şimali Koreya və Rusiyaya qarşı beynəlxalq sanksiyaların effektivliyinin tədricən azalmasına gətirib çıxara bilər.
KARUSEL / İQTİSADİYYAT