Birləşmiş Ərəb Əmirlikləri öz vətəndaşlarının Livana səyahətinə icazə verəcək.

Reportyor.az xəbər verir ki, bu barədə iki ölkənin dövlət başçıları arasında keçirilən görüşdən sonra cümə axşamı yaydığı birgə bəyanatda deyilir.

"Tərəflər iki ölkə arasında hərəkəti asanlaşdırmaq üçün lazımi prosedur və mexanizmləri həyata keçirməklə vətəndaşların səyahətinə icazə verməyə razılaşıblar".

BƏƏ prezidenti Şeyx Məhəmməd bin Zayed Əbu-Dabidə Livan prezidenti Cozef Aun ilə görüşərək iki ölkə arasındakı sıx əlaqələri və əlaqələrin gücləndirilməsi yollarını müzakirə edib.

İki lider həmçinin müxtəlif sahələrdə ikitərəfli münasibətləri inkişaf etdirmək, birgə imkanlar, bilik mübadiləsi və hökumət inkişafı vasitəsilə iqtisadi və investisiya sektorlarını inkişaf etdirmək yollarını müzakirə ediblər.

24 yanvar 2025-ci ildə BƏƏ-nin Beyrutdakı səfirliyi üç il əvvəl 2021-ci ilin oktyabrında bağlandıqdan sonra ilk dəfə rəsmi olaraq diplomatik fəaliyyətini bərpa etdi.
KARUSEL / DÜNYA