Aİ rəhbəri Ursula fon der Leyen bildirib ki, Bəşər Əsədin devrilməsindən bəri ilk səfəri ilə bu həftənin sonlarında Suriyaya səfər edəcək.

Bu barədə AFP xəbər verir. 

Von der Leyen, həmçinin İordaniya və Livana səfər edəcək, sözçü Paula Pinho bildirib.

Von der Leyenin viran qalmış ölkəyə səfəri beynəlxalq ictimaiyyətin Əsədin devrilməsindən bir il sonra yenidənqurma üçün kövrək səyləri gücləndirməyə çalışdığı bir vaxta təsadüf edir.

Suriya prezidenti Əhməd əl-Şaraa xaricdən dəstəyi artırmaq və təhlükəsizliyi gücləndirmək üçün səy göstərir.

Lakin ölkə təhlükəli vəziyyətdə qalır və hələ də məzhəb zorakılığı və İŞİD-in yaratdığı təhdidlərlə mübarizə aparır.

Aİ Dəməşq üçün əsas maliyyə donorudur və yenidənqurma səylərini gücləndirmək üçün vətəndaş müharibəsi zamanı tətbiq edilən sanksiyaları ləğv edib.

Reportyor.az 



KARUSEL / DÜNYA