Yeni istifadəyə verilmiş Pakistan Hərbi Dəniz Qüvvələri "Xaybar" gəmisi Türkiyə bazasına baş çəkib və ölkənin hərbi dəniz qüvvələri ilə birgə təlim və patrul xidmətlərində iştirak edib.

Yerli media xəbər verir ki,  bu barədə Pakistan hərbi qüvvələrin media işləri qanadı olan İctimaiyyətlə Əlaqələr (ISPR) açıqlama yayıb.

ISPR bildirib ki, yeni istifadəyə verilmiş, müasir Pakistan Hərbi Dəniz Qüvvələri gəmisi "Xaybar" Türkiyədən Pakistana ilk səfəri zamanı Türkiyədəki Aksaz Hərbi Dəniz Bazasını ziyarət edib və Turgutreis-XIII təlimində və Türkiyə Hərbi Dəniz Qüvvələrinin gəmiləri ilə birgə patrul xidmətlərində iştirak edib.

Bəyanatda bildirilir ki, hərbi dəniz bazasında qaldığı müddətdə PNS Khaibar komandiri Türkiyənin Cənub Dəniz Sahəsi komandanı ilə görüşüb. Görüş zamanı ikitərəfli dəniz əməkdaşlığının gücləndirilməsi və əməkdaşlıq səyləri ilə regional sabitliyin möhkəmləndirilməsi müzakirə olunub.

Liman səfərindən sonra Pakistan Hərbi Dəniz Qüvvələrinin gəmisi Türkiyə dəniz qüvvələrinin TCG Heybeliada gəmisi və SH-70 helikopteri ilə birlikdə Turgutreis-XIII ikitərəfli təlimində iştirak edib.

Bəyanatda deyilir ki, Turgutreis-XIII ikitərəfli təliminin və əlaqələndirilmiş patrul xidmətinin uğurlu keçirilməsi Pakistan və Türkiyə arasında paylaşılan davamlı strateji tərəfdaşlığın və qardaşlıq əlaqələrinin sübutu kimi çıxış edir.


Reportyor.az 



KARUSEL / DÜNYA