Qətər Dövlətinin Əmiri Şeyx Təmim bin Həməd Əl Tani Suriya Ərəb Respublikasının Prezidenti Əhməd Əl Şaraa ilə regional və beynəlxalq inkişaf məsələləri ətrafında danışıqlar aparıb.

Qətərin yerli mediası xəbər verir ki, Əmir Divanında keçirilən danışıqlarda Prezident Əhməd Əl Şaraa Suriyanın hər iki ölkənin və xalqlarının ortaq maraqlarına xidmət edən şəkildə ikitərəfli münasibətləri inkişaf etdirmək öhdəliyini bir daha təsdiqləyib.

Suriya prezidenti həmçinin İranın ölkəyə və regiondakı digər dövlətlərə hücumlarından sonra Qətərlə həmrəy olduğunu bildirdi və Dohanın suverenliyini, təhlükəsizliyini və vətəndaşlarını qorumaq üçün gördüyü tədbirləri dəstəklədiyini bildirib.

Əmir Əlahəzrətləri Suriyanın mövqeyini yüksək qiymətləndirərək, iki tərəf arasında davam edən əməkdaşlığı təqdir edib.

Hər iki lider ikitərəfli münasibətləri və onları daha da inkişaf etdirməyin yollarını müzakirə edərkən regional təhlükəsizlik və sabitliyi dəstəkləməyə sadiq olduqlarını vurğulayıb.

Əmir və Suriya prezidenti qarşılıqlı maraq doğuran əsas məsələlər üzrə fikir mübadiləsi aparmaq üçün ayrıca ikitərəfli görüş keçirib.


Reportyor.az 



KARUSEL / DÜNYA