İspaniyanın Baş naziri Pedro Sançez bazar ertəsi günü sosial mediada Qəzzada onun divar rəsmini çəkdiyinə görə fələstinli bir qıza və yerli rəssamlara təşəkkür edən bir video paylaşaraq İspaniyanın Fələstin xalqına dəstəyini bir daha təsdiqlədi.

Videoda Sançez, Qəzzada baş verən dağıntılar arasında özünün və digər rəssamların çəkdiyi İspaniya baş nazirinin portretini təqdim edən Layan adlı bir fələstinli qızın mesajına cavab verdi.

O, rəssamlara "gözəl jest" üçün təşəkkür etdi və Fələstin xalqına "İspaniyaya bu qədər sevgi" göstərdiklərinə görə minnətdarlığını bildirdi.


"Bu qədər ağrının ortasında bizə xeyirxahlığınızı göndərmək üçün bir an tapdınız. Beləliklə, Layana, Qəzzanın bütün oğlan və qızlarına və ailələrinizə çox sadə bir şey demək istəyirəm: bütün İspaniya cəmiyyəti sizi eşidir, görür, qayğınıza qalır və sizi unutmur", Sançez dedi.

O, həmçinin "Qəzza uşaqlarının məktəblərində qorxusuz rəsm çəkməyə qayıda və sülh içində bir gələcək yaşaya biləcəklərinə" ümid etdiyini bildirib. 

Reportyor.az 




KARUSEL / DÜNYA