Pakistan XİN bazar ertəsi günü Hindistan daxili işlər nazirinin ölkəsindəki bəzi həbsləri Pakistanla əlaqələndirməsi ilə bağlı "əsassız iddialarını" rədd edərək, onun iddialarını Yeni Dehlinin İslamabada qarşı "zərərli kampaniyasının" daha bir nümayişi kimi xarakterizə edib.

Bu barədə Pakistanın Dawn qəzeti yazır. 

XİN-in bəyanatında Hindistan daxili işlər naziri Amit Şahın hər hansı bir açıqlaması xüsusi olaraq qeyd olunmasa da, bu, Şahın X-də Hindistan hökumətinin Pakistan tərəfindən dəstəklənən bir terrorçu qrupu "məhv etdiyini" və çoxlu sayda əməliyyatçısını həbs etdiyini iddia etməsindən sonra verildi. O, qrupun Pakistandan dəstək aldığını iddia etdi.

XİN-in rəhbəri bildirib ki, Pakistan Hindistan daxili işlər nazirinin Pakistanı Hindistandakı bəzi həbslərlə əlaqələndirməyə çalışaraq irəli sürdüyü iddiaları qətiyyətlə rədd edir.

XİN-in bəyanatında deyilir: "Bu cür təbliğat Hindistanın Pakistana qarşı diqqəti daxili təhlükəsizlik problemlərindən yayındırmaq və dar daxili siyasi qazanclara görə Pakistanı günahlandırmaq üçün apardığı zərərli kampaniyanın daha bir nümayişidir".


Reportyor.az 

KARUSEL / DÜNYA