Baş nazir Şahbaz Şərif bazar ertəsi bildirib ki, onun hökuməti ABŞ prezidenti Donald Trampı Nobel Sülh Mükafatına namizəd göstərib, çünki o, Pakistan-Hindistan gərginliyi dövründə regionu məhv olmaqdan xilas etməyə kömək edib.

Dawn bildirir ki, iİyun ayında Pakistan hökuməti may ayında Hindistan-Pakistan eskalasiyasına son qoymaq üçün həlledici diplomatik müdaxilə və əsas liderliyə görə ABŞ prezidenti Donald Trampı 2026-cı il Nobel Sülh Mükafatına rəsmi olaraq tövsiyə etmək qərarına gəlib. Münaqişə Yeni Dehlinin heç bir sübut olmadan, aprelin 22-də işğal olunmuş Kəşmirdə Pehalqam hücumuna görə İslamabadı ittiham etməsindən, Pakistana hava zərbələri endirməsindən və qisasla üzləşməsindən sonra başladı.

Hindistan və Pakistan arasında atəşkəsdən sonra gərginliyin azaldığı bir vaxtda Prezident Donald Tramp ABŞ-ın müdaxiləsinin iki xalq arasında pis nüvə müharibəsinin qarşısını aldığını iddia etdi.

Bu gün Londonda keçirilən mətbuat konfransında Pakistanın Trampı Nobel mükafatına namizəd göstərməsi ilə bağlı müxbirin sualına cavab verən baş nazir deyib: “Cənab Tramp Pakistan və Hindistan arasında gərginliyi azaldıb və regionu böyük dağıntıdan xilas edib”.

O vurğulayıb ki, Tramp Pakistan-Hindistan arasında gərginliyə müdaxilə etməsəydi, daha çox dağıntı və insan itkisi olardı.

Baş nazir əlavə edib ki, Tramp Efiopiya ilə Misir arasında, hətta Ukraynada da gərginliyi azaldıb.

Reportyor.az





KARUSEL / DÜNYA