Səfirlik, Mərakeş mədəni irsini təbliğ etmək və Azərbaycanda mədəniyyətlərarası dialoqu gücləndirmək istiqamətindəki fəaliyyətləri çərçivəsində "Cuhanın möcüzəvi mismarı" adlı Mərakeş xalq nağılını beş dildə – saitləri qeyd olunmuş ərəb, Azərbaycan, ingilis, rus və fransız dillərində nəşr etdirib.

Bu nağılın seçilməsi iki məqsədə xidmət edir: bir tərəfdən, ümumbəşəri dəyərləri özündə əks etdirən və asan anlaşılan hekayə vasitəsilə gənc azərbaycanlı oxucuları Mərakeş mədəniyyəti ilə tanış etmək; digər tərəfdən isə yerli auditoriya üçün tanış olan bir obrazdan istifadə etmək.





Mərakeş şifahi xalq yaradıcılığının simvolu olan və Azərbaycanda da yaxşı tanınan Cuha obrazı, beləliklə, xalqlar arasında yaxınlaşma və mədəniyyətlərarası dialoq üçün bir vasitə rolunu oynayır.

Beş dildə nəşr olunan bu əsər həm də təhsil baxımından əhəmiyyət daşıyır; o, şagird və müəllimlərə lüğət ehtiyatını zənginləşdirən, dil öyrənməyi asanlaşdıran və digər mədəniyyətləri kəşf etməyə həvəsləndirən bir resurs təqdim edir.


Reportyor.az 




KARUSEL / MƏDƏNİYYƏT