Böyük Britaniyada son 24 saat ərzində koronavirus daşıyıcısı olan 626 nəfər ölüb.

“Report” xəbər verir ki, bu barədə “Sky News” məlumat yayıb.

Qeyd olunub ki, ölkədə COVID-19-un yaratdığı xəstəlikdən ölənlərin ümumi sayı 31 241-ə çatıb.

Bundan başqa, ötən sutka ərzində koronavirusa yoluxanların sayı 4 699 nəfər artaraq 211 364-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

SON XƏBƏR / DÜNYA