ABŞ, Böyük Britaniya, Almaniya, Fransa və İtaliya liderləri birgə bəyanat yayaraq, HƏMAS-ın İsrailə hücumlarını pisləyib.

Qərb liderləri İsrailə vahid dəstəklərini ifadə ediblər.
“Biz açıq şəkildə bildiririk ki, HƏMAS-ın terror hərəkətlərinin heç bir əsası və legitimliyi yoxdur və hamılıqla pislənməlidir. Terrora heç bir bəraət qazandırmaq olmaz. Son günlərdə dünya HƏMAS terrorçularının ailələri evlərində qətlə yetirmələrini, musiqi festivalından zövq alan 200-dən çox gənci öldürmələrini, hazırda girovluqda olan yaşlı qadınları, uşaqları və bütün ailələri qaçırmalarını dəhşət içində seyr etdi.
Ölkələrimiz İsrailin özünü və xalqını bu cür vəhşiliklərdən müdafiə etmək səylərində dəstəkləyəcək. Onu da vurğulayırıq ki, indi İsrailə düşmən olan hər hansı bir tərəfin bu hücumlardan qazanc əldə etmək üçün istifadə etməsinin vaxtı deyil.
Biz hamımız Fələstin xalqının qanuni istəklərini tanıyırıq və həm israillilər, həm də fələstinlilər üçün bərabər ədalət və azadlıq tədbirlərini dəstəkləyirik. Ancaq yanılmayın: Həmas bu istəkləri təmsil etmir və Fələstin xalqına daha çox terror və qan tökülməsindən başqa bir şey təklif etmir.
Yaxın günlərdə biz İsrailin müttəfiqləri olaraq İsrailin özünü müdafiə etməsi üçün birləşmiş və koordinasiyalı fəaliyyət göstərəcyik. Nəticədə sülhsevər və inteqrasiya olunmuş Yaxın Şərq regionu üçün şərait yarada bilək”.

KARUSEL / DÜNYA