Gürcüstanın keçmiş Prezidenti Mixail Saakaşvili növbəti dəfə Ermənistanın Baş naziri Nikol Paşinyana müraciət edib. 
“AzPolitika.info” xəbər verir ki, özünün “feysbuk” səhifəsində paylaşım edən Saakaşvili Paşinyana Rusiyadan qurtulub Avropa İttifaqına və NATO-ya “qaçmağı” məsləhət görüb:
“Rusiya demək olar ki, bütün Ermənistan kənd təsərrüfatı məhsullarının və erməni konyakının idxalına qadağa qoyub… Bu qadağa Paşinyan üçün bütün qırmızı işıqları yandırmalıdır. Putin erməni konyakını yox, Paşinyanın özünü sevmir və bu embarqo onu hakimiyyətdən sıxışdırmaq üçün növbəti addımdır. Mən bunu Ermənistanın Baş naziri üçün bir daha təkrar etmək istəyirəm. Hörmətli Nikol, qaç, bərk qaç, KTMT-dən, Avrasiya İqtisadi İttifaqından arxaya baxmadan qaç, Avropa Birliyinə, NATO-ya, yeni regional birliklərə qaç. Amma ən əsası Rusiyadan uzaqlaşın, özünüzü və erməni dövlətçiliyini xilas edin! Putin bulldoq kimidir. Dişlərini sıxana qədər dişləyir və buraxmır. Sağ qalmaq üçün bundan uzaqlaşın. Əminəm ki, hələ də gec deyil. Tərəddüd etməyi və yırğalanmağı dayandırın. Gecikmək ölümə bərabərdir!”

KARUSEL / SİYASƏT