Türkmənistanın Azərbaycan Respublikasındakı Səfirliyi Bakı Şəhəri üzrə Təhsil İdarəsinin 1 saylı Uşaq və Gənclər İnkişaf Mərkəzi ilə birlikdə bu mərkəzin Təsviri İncəsənət Qalereyasında böyük türkmən mütəfəkkiri və şairi Məhtimqulu Fəraqinin anadan olmasının 300 illiyi münasibətilə ədəbi axşam və bədii sərgi təşkil olunub.
Tədbirdə Türkmənistanın ölkəmizdəki səfiri Q. Elasov, Bakı Şəhəri Nəsimi rayon İcra Hakimiyyətinin nümayəndəsi E. Hüseynov, Azərbaycan Elm və Təhsil Nazirliyi yanında təhsil müəssisələrinin nümayəndələri, Azərbaycan Respublikasının Xalq Rəssamı, Azərbaycan Rəssamlar İttifaqının "Dekorativ-Tətbiqi Sənət" bölməsinin rəhbəri, xalça rəssamı ə.Rəcəbov, Mərkəzin direktoru K. Abdullayeva, dərnəklərin əməkdaşları və üzvləri çıxış ediblər.
Tədbirlər zamanı "Ayna" teatr Dərnəyinin kollektivinin üzvləri musiqili-poetik kompozisiyalar nümayiş etdirib, rəqs kollektivinin üzvləri rəqs nömrələri ifa ediblər. Çıxışların sonunda uşaqlara xatirə hədiyyələri təqdim olunub.
KARUSEL / MƏDƏNİYYƏT