Avropa Birliyi İsrail və Hizbullah arasında döyüşlərin getdiyi bir vaxtda Livana yardım çatdırmaq üçün humanitar hava körpüsünü işə salıb.

Reportyor.az xəbər verir ki, bu barədə Avropa Komissiyası bildirib.

İlkin üç uçuş İtaliya və Dubaydan münaqişədən əziyyət çəkən ölkəyə təchizat daşıyacaq və ilk uçuş cümə günü Beyruta çatacaq.
"Aİ Livandakı böhrandan təsirlənən insanların yanındadır. Ədyaldan tutmuş sığınacaq dəstlərinə və dərmanlara qədər. Daha çox gələcək" deyə komissiya sədri Ursula von der Leyen X-də yazıb.
Keçən həftə Aİ, baş verən zorakılığa cavab olaraq Livana humanitar yardım üçün xərcləri 30 milyon avro (33 milyon dollar) artırdığını söyləyib.
İsrail sentyabrın 23-dən Livanda Hizbullahın qalalarına zərbələri gücləndirib, nəticədə 1150-dən çox insan ölüb, bir milyondan çox insan isə qaçmağa məcbur olub.
İsrailin baş naziri Binyamin Netanyahunun Livanın Qəzza kimi məhvlə üzləşə biləcəyi xəbərdarlığından bir gün sonra Hizbullah İsrailə mərmilər atdı və bunun quru hücumlarının qarşısını aldığını deyib.
Brüssel bildirib ki, artıq keçən həftədən etibarən üzv dövlətlərdən Belçika, Fransa, Polşa, Slovakiya və İspaniyadan Livana yardım çatdırılmasını koordinasiya edir.
KARUSEL / DÜNYA