Rusiyanın Pakistandakı səfirliyi  bildirib ki, onun vətəndaşlarından birinin Cənubi Asiya ölkəsinin problemli şimal-qərbində oğurlanması ilə bağlı xəbərləri yoxlamağa çalışır.

Reportyor.az xəbər verir ki, bu barədə səfirlik X sosial media platformasındakı yazıb, amma əlavə məlumat verməyib.

Səfirliyin açıqlaması komandir Gül Bahadurun başçılıq etdiyi kiçik silahlı qrup Hayber Paxtunxva əyalətinin Dera İsmayıl Xan rayonunda bir Rusiya vətəndaşını ələ keçirdiklərini söylədikdən bir neçə gün sonraya təsadüf edib.

Qrup iki saqqallı kişi ilə oturan kişini əks etdirən foto yayımlayıb. Yerli polis bildirib ki, oğurluqla bağlı Rusiya səfirliyi onlara müraciət etməyib.

Üsyançılar tez-tez Pakistanın təhlükəsizlik qüvvələrinə və əcnəbilərə, xüsusən də ölkə daxilində Çin tərəfindən maliyyələşdirilən layihələrdə çalışan çinlilərə hücum edirlər, lakin ruslar əvvəllər hədəfə alınmayıb.

Pakistana səyahət edən rusların əksəriyyəti mənzərəli şimalda dağları fəth edən alpinistlərdir.
KARUSEL / DÜNYA