İndoneziyanın paytaxtı Cakarta yaxınlığındakı yemək yağı fabrikində baş verən güclü yanğında 8 nəfər ölüb.

Reportyor.az xəbər verir ki, ərazidə 20-yə yaxın yanğınsöndürən maşın var və fabrikin əksər sahələrində alovun qarşısını alıb.

Metro TV-nin görüntüləri Cakartanın şərq kənarında yerləşən Bekasi şəhərində sənaye kompleksinin mərkəzindəki binadan çıxan alov və tüğyan qara tüstünü göstərir. Xəbərdə fabrik ətrafında yolların bağlandığı bildirilir.

Bekasi yanğınsöndürmə idarəsinin rəhbəri Suhartono bildirib ki, daha üç nəfər yaralanıb, lakin itkilərin sayı hələ də arta bilər.

Yerli hakimiyyət orqanları yanğının səbəblərini araşdırır.

Suhartono bildirib ki, fabrik PT Primus Sanus Cooking Oil Industrial (Priscolin) tərəfindən idarə olunur.
KARUSEL / DÜNYA