UEFA Avropa Liqasının Liqa mərhələsinin 7-ci turunda keçiriləcək “Qarabağ” – FCSB (Rumıniya) matçının biletləri bu gün, saat 12:00-da satışa çıxacaq.

Reportyor.az bu barədə klubun mətbuat xidmətinə istinadən xəbər verir ki, Tofiq Bəhramov adına Respublika stadionunda keçiriləcək oyunun biletlərinin qiyməti müvafiq olaraq 5, 20, 30, 40, 75 və 150 manat təşkil edir. VIP sektorlara biletlərin qiyməti isə 300 manatdır.

Azarkeşlər biletləri “iTicket.az”ın satış məntəqələrindən (iTicket.az-da onlayn satış), “Qarabağ”ın “Park Bulvar”dakı fan-şopundan və Tofiq Bəhramov adına Respublika stadionunun kassalarından əldə edə bilərlər.
Yanvarın 23-də Tofiq Bəhramov adına Respublika stadionunda keçiriləcək “Qarabağ” – FCSB matçı saat 21:45-də başlayacaq.

KARUSEL / İDMAN