Kral VI Məhəmməd Mərakeşdə müxtəlif məhkəmələr tərəfindən mühakimə olunan 1533 nəfəri Fitr bayramı münasibətilə əfv edib.

Reportyor.az xəbər verir ki, əfv fərmanına həm hazırda həbsdə olan şəxslər, həm də zamində olan digər şəxslər daxildir.

Bazar günü axşam Mərakeş Ədliyyə Nazirliyindən verilən açıqlamada kralın əfv fərmanından faydalananların arasında həbsdə olan 1203 nəfərin olduğu bildirilib.

Onlardan 20 məhbus cəzasının qalan hissəsinin tam olaraq bağışlanmasını təmin edib.

Digərlərinin həbs cəzası azaldılıb. Hazırda ömürlük azadlıqdan məhrum edilən 5 məhbusa müddətli həbs cəzası verilib.
KARUSEL / DÜNYA