İranın Xarici İşlər Nazirliyi Hollandiyanın Tehrandakı səfirini cümə günü Tehrana çağırıb.

Reportyor.az xəbər verir ki, İRNA-nın məlumatına görə, İran Xarici İşlər Nazirliyinin rəsmisi Hollandiyanın ittihamını “gülünc” və “şübhə və ya fərziyyə” əsasında adlandırıb.

“Hollandiyanın diplomatik aparatının təhlükəsizlik orqanlarının və sionist rejimin (İsrail) irəli sürdüyü fərziyyələrlə belə asanlıqla hərəkət etməsi və hətta bu cür absurd iftiraya görə İran səfirini çağırması təəssüf doğurur”, - deyə rəsmi Əlirza Yusefi bildirib.

AIVD kimi tanınan Hollandiya kəşfiyyat agentliyinin cümə axşamı dərc etdiyi illik hesabatında Hollandiya və İspaniyada iki sui-qəsd cəhdinin arxasında İranın olduğunu söyləməsindən sonra Hollandiya İran səfirini çağırıb.

Xəbərdə deyilir ki, 2024-cü ilin iyununda Hollandiyanın Haarlem şəhərində ölkədə yaşayan iranlıya qarşı sui-qəsddən sonra iki kişi həbs edilib.

Şübhəlilərdən birinin 2023-cü ilin noyabrında Madriddə ispaniyalı siyasətçi və İran tənqidçisi Alejo Vidal-Kadrasa qarşı sui-qəsd cəhdinin də arxasında olduğu güman edilirdi.
KARUSEL / DÜNYA