"Liverpul"un 28 yaşlı portuqaliyalı hücumçusu Dioqo Jota qardaşı ilə İspaniyanın şimal-qərbindəki Zamora yaxınlığında avtomobil qəzasında həlak olub.

Reportyor.az xəbər verir ki, bu barədə İspaniyanın dövlət televiziyası yerli yanğınsöndürənlərə istinadən məlumat yayıb.

Polis Reuters-ə bildirib ki, hər şey bu məlumatın doğru olduğuna işarə edir, lakin adları hələ rəsmi olaraq təsdiqləyə bilmirlər.

Zamoranın yerləşdiyi Kastiliya-Leon regional yanğınsöndürmə idarəsi öz saytında bildirib ki, avtomobil cümə axşamı gecə yarısından az sonra qəzaya uğrayıb və alovlanıb, 28 və 26 yaşlı iki kişi ölü tapılıb.

İyunun 28-də evlənən Jota, keçən mövsüm Liverpool-un Premyer Liqanın qalibi olmasına kömək etdi, həmçinin Mersisaydlı geyimlə İngiltərə Kuboku və Liqa Kubokunu qazandı.

Jota 2020-ci ildə "Vulverhempton Uonderers"dən "Enfild"ə gəlib və bütün yarışlarda klub üçün 182 oyunda 65 qol vurub.

O, həmçinin Portuqaliya millisində 49 oyuna çıxıb, iki dəfə UEFA Millətlər Liqasının qalibi olub.




KARUSEL / İDMAN