Misirin xarici işlər naziri Bədr Abdelatti norveçli həmkarı Espen Barth Eide ilə telefon danışığı zamanı son regional hadisələri müzakirə edib.

Reportyor.az xəbər verir ki, Misir Xarici İşlər Nazirliyinin yaydığı bəyanata görə, tərəflər Qəzza zolağında atəşkəsin əldə olunmasını sürətləndirmək üçün Qətər Dövləti və ABŞ ilə davam edən birgə səyləri nəzərdən keçiriblər.

Nazir Abdelatty, İsrailin siyasətləri səbəbindən İordan çayının qərb sahilində vəziyyətin gərginləşdiyi barədə xəbərdarlıq edərək, həm Qəzza zolağında, həm də İordan çayının qərb sahilində İsrailin təcavüzünə son qoymaqda beynəlxalq ictimaiyyətin öz rolunu üzərinə götürməsinin vacibliyini vurğulayıb.

Tərəflər həmçinin İsrail və İran arasında atəşkəs razılaşmasının qorunub saxlanılmasının və diplomatik səylərin bərpasının vacibliyini vurğulayıblar ki, bu da regionda sakitliyi bərpa edəcək və gərginliyi azaldacaq.



KARUSEL / DÜNYA