İsrail polisi baş nazir Binyamin Netanyahuya sui-qəsdlə hədələyən bir şəxsi həbs etdiklərini bildirib.

Polis bildirib ki, bazar ertəsi axşam yəhudilərin Yeni il bayramı başlamazdan əvvəl cənubdakı Kiryat Gat şəhərindən olan qırx yaşlarında bir kişi Netanyahunu öldürəcəyini deyərək yerli polis idarəsinə daxil olub.

“Şübhəli şəxs məmurlara odlu silah almağı və baş nazirə üç dəfə atəş açmağı planlaşdırdığını deyib”, - deyə polis bildirib.

Həmin şəxs həbs edilib və ona qarşı ittiham aktının cümə axşamı günü təqdim ediləcəyi gözlənilir. Polis həmin şəxsi məhkəmə prosesi başa çatana qədər həbsdə saxlamağı hədəfləyir. Sorğular göstərir ki, Netanyahunun HƏMAS yaraqlılarına qarşı təxminən iki ildir davam edən Qəzza müharibəsi ilə bağlı ictimai dəstəyi itirməsi İsrailin qlobal miqyasda daha da təcrid olunması qorxusuna səbəb olub.

Qəzzada 48 girov var - 20-nin hələ də sağ olduğu güman edilir və onların ailələri İsrail hökumətini onları evlərinə qaytaracaq bir razılaşma əldə etməyə çağırıb.

Reportyor.az


KARUSEL / DÜNYA