İranın xarici işlər naziri Abbas Əraqçi cümə günü bildirib ki, Qərb dövlətləri BMT sanksiyalarını bərpa edərsə, Tehran BMT-nin nüvə obyektlərini yoxlamasına icazə verməklə bağlı razılaşmanı ləğv edəcək.

Britaniya, Fransa və Almaniyanın Tehranı nüvə silahı hazırlamasının qarşısını almaq məqsədi ilə 2015-ci ildə böyük dövlətlərlə əldə edilmiş razılaşmanı pozmaqda ittiham etməsindən sonra, şənbə günü saat 00:00-da BMT-nin İrana qarşı sanksiyaları yenidən qüvvəyə minməlidir.

Beynəlxalq Atom Enerjisi Agentliyi iyun ayında İsrail və ABŞ-ın obyektləri bombalamasından sonra Tehranla əməkdaşlığı bərpa etməyə və onun nüvə obyektlərində yoxlamaları bərpa etməyə çalışırdı.

Amma Telegram-dakı paylaşımında Əraqçi deyib ki, Misirdə bu ay imzalanmış saziş İrana qarşı heç bir düşmənçilik hərəkəti görülmədikcə, o cümlədən Birləşmiş Millətlər Təşkilatının Təhlükəsizlik Şurasının ləğv edilmiş qətnamələri bərpa olunana qədər qüvvədə qalacaq.

O, əlavə edib: “Əks halda İran İslam Respublikası əməli öhdəliklərinə xitam verilmiş hesab edəcək”.

Cümə günü Təhlükəsizlik Şurası Rusiya və Çinin təklif etdiyi “snapback mexanizmi” çərçivəsində sanksiyaların bərpasını altı ay təxirə salmaq üçün təklif olunan qətnaməyə səs verəcək, lakin diplomatlar bunun qəbul olunmayacağını bildiriblər.

Təhlükəsizlik Şurasının 2231 saylı qətnaməsində təsbit edilən mexanizm ABŞ, Rusiya, Çin, Britaniya, Fransa və Almaniya ilə 2015-ci ildə imzalanmış sazişin istənilən tərəfinə sazişlə dayandırılmış BMT sanksiyalarını birtərəfli qaydada bərpa etməyə imkan verir.

Tehran uzun müddətdir ki, müddəanı diplomatiyaya xələl gətirən siyasi silah kimi pisləyib.

Reportyor.az



KARUSEL / DÜNYA