Tokioda ABŞ səfirliyinin yaxınlığında bıçaq tutan kişi həbs edilib.

Bu barədə TBS xəbərl yayıb. 

Xəbərdə polis mənbələrinə istinadən bildirilir ki, bir iğtişaş polisi yaralanıb, lakin onun xəsarətlərinin dərəcəsi məlum deyil.

Hücumun səbəbi dərhal məlum olmayıb.

Hücum ABŞ prezidenti Donald Trampın Tokioya planlaşdırılan səfərindən bir neçə gün əvvəl baş verib. Hökumət bildirib ki, Tramp 27-29 oktyabr tarixlərində Yaponiyada səfəri zamanı Yaponiya İmperatoru Naruhito və yeni seçilmiş Baş nazir Sanae Takaiçi ilə görüşəcək.

Kyodo News-un bu həftənin əvvəlində verdiyi məlumata görə, Tokio Metropolitan Polis İdarəsi səfərin təhlükəsizliyini artırmaq üçün əlavə 18.000 nəfərə qədər işçi səfərbər edib.

Reportyor.az



KARUSEL / DÜNYA