Pakistan xarici işlər naziri və Baş nazirin müavini İshaq Dar ilə İranın Ali Milli Təhlükəsizlik Şurasının katibi Dr. Əli Laricani arasında keçirilən görüşdə müxtəlif sektorlarda ikitərəfli əlaqələrin dərinləşdirilməsinə sadiq olduqlarını bir daha təsdiqləyiblər.

Business Recorder bildirir ki, Xarici İşlər Nazirliyindən verilən məlumata görə, Dar Laricanini Pakistana rəsmi səfəri zamanı ofisində qəbul edib.

Hər iki tərəf qarşılıqlı maraq doğuran regional və beynəlxalq məsələlərdə əməkdaşlığı gücləndirmək barədə də razılığa gəliblər.
Bu arada, İranın İslamabaddakı səfirliyi bildirib ki, Laricaninin Pakistanın siyasi və hərbi-təhlükəsizlik liderləri ilə danışıqlar aparmaq üçün bura iki günlük səfəri olub.

Pakistana yola düşməzdən əvvəl Laricani verdiyi açıqlamada Pakistanın İranın regiondakı dostu və qardaş ölkəsi olduğunu bildirib.

"İran xalqı heç vaxt unutmayacaq ki, Amerika və sionist rejimi tərəfindən İrana tətbiq edilən 12 günlük müharibədə Pakistan xalqı İran xalqının yanında olub", - deyə o bildirib.
O, İran və Pakistanın regionda davamlı təhlükəsizlik üçün iki vacib və təsirli ölkə olduğunu və həmişə region ölkələri ilə qardaşlıq münasibətlərinə diqqət yetirdiklərini söyləyib.
Bir gün əvvəl X-də yazdığı paylaşımda İranın Pakistandakı səfiri Rza Əmiri Moqadam İranın təhlükəsizlik rəisinin Pakistana misli görünməmiş bir səfər etdiyini bildirib.

"Bu tarixi mərhələ iki qardaş xalqımız arasında artıq möhkəmlənmiş və zamanla sınaqdan keçirilmiş münasibətlərin başqa bir strateji mərhələyə qədəm qoyacağı mühüm bir məqamdır. Sürətlə inkişaf edən qlobal mənzərə və regional ekosistemimizdə yaranan dinamika nəzərə alınmaqla, ikitərəfli münasibətlərin daha da strategiyalaşdırılması və yüksəldilməsi zərurəti əvvəlkindən daha vacib hala gəlmişdir - bu əhəmiyyətli səfər vasitəsilə mənalı şəkildə irəli sürüləcək bir məqsəd" -  deyə o bildirib.

Reportyor.az


KARUSEL / DÜNYA