Peşəvər Ordu Dövlət Məktəbi (Army Public School - APS) faciəsinin şəhidlərini yad edən Pakistanın Baş naziri Şahbaz Şərif hökumətinin terrorizmə qarşı barışmaz sıfır tolerantlıq mövqeyini qorumaq və bəla aradan qaldırılana qədər amansız və tam güclə antiterror əməliyyatlarını davam etdirmək əzmini bir daha təkrarlayıb.

Baş nazir APS hücumunun ildönümü ilə bağlı mesajında Pakistanın parlaq gələcəyi üçün göstərilən böyük qurbanların heç vaxt boşa getməyəcəyini, dövlətin, təhlükəsizlik qurumlarının və xalqın terrorizm və ekstremizmi aradan qaldırmaq üçün birləşdiyini və qətiyyətli olduğunu bildirib.
"Bu gün sevimli vətənimizin gələcəyi üçün qiymətli həyatlarını qurban verən Peşəvər Ordu Dövlət Məktəbi faciəsinin şəhidlərini yad edirik. Bu ürək ağrıdan hadisə bütün millət üçün böyük bir sınaq idi, bu bizi dərin kədərləndirdi, lakin qətiyyətimizi qıra bilmədi", - deyə o qeyd edib.

Baş nazir bütün xalqın şəhid ailələrinin kədərini bölüşdüyünü və onların səbr və dözümlülüyünü alqışladığını söyləyib.

“Bu gün Pakistan bir daha terror təhlükəsi ilə üzləşdiyi, ölkənin müxtəlif yerlərində təhlükəsizlik işçilərinin və günahsız mülki şəxslərin hədəfə alındığı bir vaxtda, APS faciəsi bizə terrorizmə qarşı mübarizəmizin hələ bitmədiyini xatırladır”.

Reportyor.az 

KARUSEL / DÜNYA