Pakistanın şimal-qərbindəki Xayber Paxtunxva əyalətində 25 martdan bəri davam edən şiddətli yağışlar və əlaqəli hadisələr nəticəsində ən azı 45 nəfər ölüb, 105 nəfər yaralanıb.

Bu barədə Geo telekanalı yerli hakimiyyət orqanlarına istinadən məlumat yayıb.

Vilayət fəlakətlərinin idarə olunması agentliyinin məlumatına görə, bölgə sakinləri əsasən leysan yağışların dağılmış binaları yuyub aparması nəticəsində xəsarət alıblar. Ümumilikdə 442 evə ziyan dəyib, onlardan 60-ı tamamilə dağılıb.

Agentlik 6-9 aprel tarixlərində yenidən şiddətli yağışların gözlənildiyi barədə xəbərdarlıq edib və sakinlərə mütləq zərurət olmadığı təqdirdə təbii fəlakətlərə ən çox meylli ərazilərə səyahət etməməyi tövsiyə edib.

Reportyor.az 


KARUSEL / DÜNYA