Laosun şimalında yerləşən Bokeo əyalətindəki Mekonq çayı yaxınlığında hündürlüyü iki metr olan Budda heykəli aşkarlanıb.
“The star” xəbər verir ki, heykəl əyalətin Tonfeunq rayonunda davam edən qazıntılar zamanı tapılan qədim artefaktların ən böyüyüdür. Bundan iki gün öncə ərazidə daha doqquz Budda heykəli tapılmışdı.
Əksəriyyəti tuncdan olan heykəllərin yaşı və mənşəyi məlum deyil. Laos hökuməti mart ayından başlayan qazıntıların peşəkar şəkildə aparılmasını təmin etmək üçün yüksək vəzifəli şəxslərdən və mütəxəssislərdən ibarət milli komitə yaradıb.

MARAQLI / KARUSEL