Koreya Universiteti Anam Xəstəxanasının mədə-bağırsaq cərrahiyyəsi professoru Park Sonq-su mədə xərçənginin inkişaf riskini artıran əsas amilləri açıqladı.

Rusiyanın Novosti xəbər agentliyinə verdiyi müsahibədə həkim dedi: "Mədə xərçəngi Cənubi Koreyada ən çox yayılmış bədxassəli şişlərdən biridir. 2023-cü il Milli Xərçəng Reyestrinə görə, ölkədə ən çox diaqnoz qoyulan beş xərçəng növü arasında yer alır."

O, əlavə etdi: "Təhlillərimiz göstərdi ki, Helicobacter pylori infeksiyası mədə xərçəngi riskini təxminən iki dəfə artırır. Bu arada, həddindən artıq spirtli içki qəbulu riski 1,5-2,2 dəfə, duzlu və turşulu qidalarla zəngin pəhriz onu 1,4-2 dəfə, siqaret çəkmə isə riski təxminən 1,3-1,8 dəfə artırır."

Həkim qeyd etdi ki, təmizlənmiş taxıl, qırmızı ət, emal olunmuş ət və yüksək yağlı süd məhsullarının istehlakı da xəstəliyin inkişaf ehtimalını artıran amillərdir.

Qeyd etmək lazımdır ki, professor Park Sunq-sunun rəhbərlik etdiyi alimlər qrupu PubMed, Embase və Cochrane daxil olmaqla beynəlxalq tibbi məlumat bazalarından 507 tədqiqat sənədini təhlil edib. Onlar qidalanma, həyat tərzi, ətraf mühit, dərmanlar, infeksiyalar və genetik xüsusiyyətlər daxil olmaqla 139 amilin mədə xərçəngi riskinə və qarşısının alınmasına təsirini qiymətləndiriblər.


Reportyor.az 




SAĞLAMLIQ / KARUSEL