“Rusiya Avropa Komissiyası və Ukrayna ilə qaz məsələsinə dair üçtərəfli danışıqlar aparmağa hazırdır”. APA-nın “İnterfaks”a istinadən verdiyi xəbərə görə, bunu Rusiyanın Energetika naziri Aleksandr Novak jurnalistlərə açıqlamasında bildirib. 
“Biz sentyabrın birinci yarısında görüşməyə hazırıq. Bizim artıq müəyyən qrafikimiz var. Bütün tərəflərə uyğun olan vaxtı seçmək lazımdır. Düşünürəm, görüşün dəqiq tarixi yaxın zamanda razılaşdırılacaq”, - A. Novak deyib.
Məlumata görə, əsas məsələlərdən biri danışıqlarda Ukraynanı kimin təmsil edəcəyidir. Belə ki, bundan öncəki üçtərəfli görüşdə Ukraynanı sabiq Xarici İşlər naziri Pavel Klimkin təmsil edib. Rusiya tərəfi isə danışıqların Ukraynanın Energetika naziri ilə aparılmasında israr edib. 
Qeyd edək ki, bundan əvvəl Avropa Komissiyasının enerji məsələləri üzrə vitse-prezidenti Maroş Şevçoviç sentyabrın 16-23-ü arası üçtərəfli görüş keçirməyi təklif edib. 

Rəna Ağayeva /APA/





DÜNYA / İQTİSADİYYAT