Azərbaycan Premyer Liqasında II tura yekun vurulub.APA-nın məlumatına görə, turun son günündə bir matç keçirilib.
Paytaxt derbisində “Neftçi” və “Zirə” üz-üzə gəlib. Bakı klublarının dueli Zirə İdman Kompleksinin stadionunda baş tutub.
Hər iki komanda çempionata uğursuz başladığından azarkeşlər gərgin mübarizəyə şahid olublar. Matçda hesabı meydan sahibləri açıblar. 
27-ci dəqiqədə Cavid Hüseynov fərqlənib. Roberto Bordinin yetirmələri buraxılan qoldan sonra böyük qüvvə ilə irəli atılıblar. Lakin “ağ-qaralar” hesabı dəyişə bilməyiblər və “Zirə” ev matçından minimal hesablı qələbə ilə ayrılıb.
Qeyd edək ki, turun ilk iki günündə “Keşlə” “Sabah”ı 1:0, “Səbail” “Sumqayıt”ı, “Qarabağ” “Qəbələ”ni eyni – 3:0 hesabı ilə məğlub edib.
Azərbaycan Premyer Liqası
26 avqust (bazar ertəsi)
“Zirə” – “Neftçi” – 1:0
Qol: Cavid Hüseynov, 27
Hakimlər: Rəhim Həsənov, Namiq Hüseynov, Eyyub İbrahimov, Rauf Cabarov
Hakim-inspektor: Babək Quliyev
AFFA nümayəndəsi: Erkin Hüseynov
Zirə İdman Kompleksinin stadionu, 19:00

N	Klublar	O	Q	H	M	T-F	X
1	Səbail	2	2	0	0	4-0	6
2	Qarabağ	2	2	0	0	4-0	6
3	Keşlə	2	1	0	1	1-1	3
4	Zirə	2	1	0	1	1-1	3
5	Sumqayıt	2	1	0	1	2-3	3
6	Neftçi	2	0	1	1	1-2	1
7	Sabah	2	0	1	1	1-2	1
8	Qəbələ	2	0	0	2	0-5	0

 
/APA/






İDMAN