Koreya Respublikası iyun ayından etibarən koronavirusun yayılması ilə əlaqədar tətbiq edilən bütün məcburi məhdudiyyətlərini, o cümlədən yoluxma halında məcburi özünütəcrid rejimini ləğv edəcək.
Bu barədə "Yonhap" agentliyi ölkənin prezidenti Yun Sok Yola istinadən məlumat yayıb.
Cənubi Koreya lideri bildirib ki, koronavirusun risk kateqoriyası gələn ayın əvvəlindən "ağır"dan "həyəcanverici" kateqoriyaya endiriləcək. "Yonhap"ın məlumatına görə, COVID-19 faktiki olaraq endemik xəstəlik elan edilib. Məcburi yeddi günlük təcrid aradan qaldırılacaq, bunun əvəzinə koronavirus xəstələrinə yalnız beş günlük karantin tövsiyə olunacaq.
"Xəstəxanaya yerləşdirilənlər üçün palataları olan xəstəxanalar istisna olmaqla, bütün yerlərdə maska taxmaq tələbinin aradan qaldırılması qərara alınıb", - deyə məlumatda bildirilib.

KARUSEL / DÜNYA