[spoiler][/spoiler]

Kiyev iyunun 1-ə keçən gecə raketlərin növbəti hücumuna məruz qalıb.
AZƏRTAC xəbər verir ki, hava həyəcanı siqnalından sonra paytaxtda hava hücumundan müdafiə sistemləri işə düşüb və partlayış səsləri eşidilib.
Kiyev Regional Hərbi Administrasiyasının rəhbəri Sergey Popkonun verdiyi məlumata görə, bütün raketlər zərərsizləşdirilib, lakin onların qalıqlarının mülki binalara düşməsi nəticəsində ölənlər və xəsarət alanlar var. Rusiya silahlı qüvvələri tərəfindən Ukrayna paytaxtına edilən raket hücumu nəticəsində 3 nəfər həlak olub, 14 nəfər isə xəsarət alıb. Kiyevin 3 rayonunda binalara ziyan dəyib.
Paytaxtın Desnyansky rayonunda yaşayış binasının pəncərələri və qapıları sınıb, eyvan partlayıcı dalğa ilə qopub. Eyni zamanda, raketlərin qalıqları uşaq klinikasında, iki məktəbdə, polis bölməsində, uşaq bağçasında dağıntılara səbəb olub. Nəticədə 2-si uşaq (5-6 və 12-13 yaşlı) olmaqla 3 nəfər ölüb, 7 nəfər xəstəxanaya yerləşdirilib, daha iki nəfərə isə yerindəcə tibbi yardım göstərilib.
Kiyevin Dneprovski rayonunda isə yaşayış evi, inzibati binada dağıntılar qeydə alınıb, park edilmiş avtomobillərə ziyan dəyib, nəticədə 3 nəfər xəsarət alıb, 2-si isə xəstəxanaya yerləşdirilib.
Kiyevin Darnitsk rayonunda da mülki binalarda dağıntılar qeydə alınıb
KARUSEL / DÜNYA