Xarici ölkələrdə həbs olunan dilənçilərin 90%-i Pakistana məxsusdur və  Pakistandan çoxlu sayda dilənçi xaricə köçüb və bu, “insan alverinə” təkan verib.
Bu barədə Pakıstanda dərc edilən Dawn xəbər verir ki, Xarici İşlər Nazirliyinin katibi Zülfikar Hayder bu barədə Senatda ixtisaslı və qeyri-ixtisaslı işçilərin ölkəni tərk etməsi ilə bağlı müzakirələr zamanı açıqlayıb. O, daha sonra bildirib ki, bir çox dilənçi Səudiyyə Ərəbistanı, İran və İraqa getmək üçün zəvvar vizalarından istifadə edib. Onun sözlərinə görə, çoxlu sayda cibgirlər müqəddəs yerlərdə həbs edilib və onların Pakistan vətəndaşları olduğu müəyyən edilib.
Hayder bildirib ki, Yaponiya indi belə ziyarətçilərin yeni məkanı kimi ortaya çıxıb.
Bundan əlavə, o, Pakistanın ixtisaslı işçi qüvvəsinin ixracında tarixi rolunu vurğulayıb və peşəkarların xaricə getdiyi zaman ölkənin xarici pul köçürmələrinin artacağına nikbin olduğunu bildirib. Onun sözlərinə görə, Səudiyyə Ərəbistanı indi təhsil almamış şəxslərdən daha çox ixtisaslı işçi qüvvəsinə üstünlük verir.
O, Pakistanda 50 min mühəndisin işsiz olduğunu da qeyd edib. O, həmçinin üç milyona yaxın insanın Səudiyyə Ərəbistanında, 1,5 milyon pakistanlının BƏƏ-də, 0,2 milyonunun isə Qətərdə olduğunu deyib.
KARUSEL / DÜNYA