Mərakeş İspaniya və Portuqaliya ilə birgə 2030-cu ildə futbol üzrə dünya çempionatına ev sahibliyi edəcək.
Bu barədə Kral ofisi açıqlama yayıb.
Məlumatda Kral VI Məhəmməd Mərakeş xalqına FİFA İcraiyyə Komitəsinin yekdilliklə Mərakeş-İspaniya-Portuqaliyanı 2030-cu ildə keçiriləcək futbol üzrə dünya çempionatına ev sahibliyi etmək üçün yeganə namizəd kimi seçdiyini elan etməkdən böyük məmnunluq duyduğunu bildirib. Qeyd olunub ki, Beynəlxalq Futbol Federasiyasının İcraiyyə Komitəsinin bu qərarı Mərakeşin böyük dövlətlərin alyansındakı əsas mövqeyini yüksək qiymətləndirir və tanıyır.
Əlahəzrət Kral fürsətdən istifadə edərək İspaniya Krallığını və Portuqaliya Respublikasını təbrik edir, eyni zamanda Mərakeş Krallığının hər bir tenderin keçirilməsinə cavabdeh olan dövlət orqanları ilə mükəmməl əməkdaşlıqda işləmək öhdəliyini təsdiqləyir.
KARUSEL / İDMAN / REDAKTOR SEÇİMİ