Körfəz Əməkdaşlıq Şurası (KƏŞ) ölkələrinin liderləri Dohada bir araya gəlib.
Yerli media xəbər verir ki, üzv dövlətlərin liderləri görüşdə Mərakeşin ərazi bütövlüyü və Sahara üzərində suverenliyinə, krallığın təhlükəsizliyinə və sabitliyinə davamlı dəstəyini təkrarlayıb.
Qətərin sədrliyi ilə keçirilən Ali Şuranın 44-cü Sessiyasından sonra qəbul etdikləri yekun bəyanatda üzv dövlətlərin liderləri Təhlükəsizlik Şurasının Mərakeş Sahara problemi ilə bağlı 30 oktyabr 2023-cü il tarixli 2703 saylı qətnaməsini alqışlayıb.
Onlar həmçinin, imtiyazlı KƏŞ-Mərakeş strateji tərəfdaşlığının və birgə fəaliyyət planının həyata keçirilməsinin vacibliyini vurğulayıb.
Bundan əlavə, FİFA-nın Mərakeş, İspaniya və Portuqaliyanın 2030-cu il Dünya Çempionatına birgə ev sahibliyi etməsi qərarından sonra KƏŞ-in Ali Şurası Krallığı təbrik edib.

KARUSEL / DÜNYA