BMT-nin Qaçqınlar üzrə Ali Komissarlığı xəbərdarlıq edib ki, əfqanlar Pakistan sərhədini keçdikdən sonra lazımi sığınacaq ala bilməsələr, sərt qış şəraitində ölə bilərlər.
"Independent" xəbər verir ki, oktyabrın əvvəlindən bəri təxminən yarım milyon əfqan Pakistanı tərk edib. Onların böyük əksəriyyəti Əfqanıstandandır.
BMT-nin Qaçqınlar üzrə Ali Komissarlığı son hesabatında bildirib ki,  geri dönən bir çox əfqan, o cümlədən qadınlar və uşaqlar, adekvat sığınacaqsız qaldıqları təqdirdə sərt qışda həyatını itirə biləcək həssas vəziyyətdədirlər. Sərhədə gələn insanlar yorğundurlar və təcili yardıma, eləcə də psixososial dəstəyə ehtiyac duyurlar.
Ailələr  bildirib ki, bəzi ərazilərdə, xüsusən də dağlıq bölgələrdə soyuq qış temperaturu onların dərhal evlərinə qayıtmasına mane ola bilər.
Əfqanıstana qayıdanlar arasında ölkədə heç vaxt yaşamamış ailələr də var. Onlar bir və ya bir neçə nəsildir ki, Pakistanda yaşayırlar və qayıdacaqları evləri və ya böyük ailələri olmaya bilər.
Taliban komitəsi iki əsas sərhəd keçidində: Torkham və Spin Boldakda qida, su, SİM kartlar, geyim və nağd pul payladığını bildirib. Komitə deyib ki, ailələr Əfqanıstan, İslam sistemi, müvəqqəti yaşayış şəraiti, qeydiyyat və köçürülmə haqqında da öyrənirlər. Lakin həddindən artıq temperatur və təmiz suya və kanalizasiyaya məhdud çıxış yoluxucu xəstəliklərin və qida çatışmazlığının artmasına səbəb olub.
Agentlik Torkham və Spin Boldak vasitəsilə qayıdan əfqanların təxminən 80%-nin qadın və uşaqlar olduğunu bildirib.
KARUSEL / DÜNYA